पोलिसांकडून उपलब्ध माहितीनुसार, किशोर प्रकाश खोपडे (वय. ३४ वर्षे, रा. दत्त चौक गायकवाड आळी, ता.हवेली जि. पुणे) यांना मंदिरात चोरट्यांकडून लुटण्यात आले. तुळजा भवानी मंदिरातील निंबाळकर दरवाज्यामध्ये किशोर खोपडे यांच्या गळयातील १९ ग्रॅम वजनाची सोन्याची चैन तसेच संजयकुमार नामदेवराव शिवपुरे यांचे खिश्यातील रोख रक्कम ऐंशी हजार रुपये असे एकुण १ लाख २५ हजार रुपये हे दि. १३ ऑगस्ट २०२३ रोजी साडेअकरा वाजण्याच्या सुमारास अज्ञात व्यक्तीने चोरुन नेले. अशी तक्रार किशोर खोपडे यांनी तुळजापुर पोलीस ठाणे येथे दिली. त्या प्रमाणे अज्ञात व्यक्ती विरोधात भारतीय दंड विधान संहिता कलम- ३७९ अन्वये गुन्हा नोंदवला आहे. या प्रकरणाचा तपास गुरुनाथ लोखंडे हे करत आहे.
तुळजा भवानीच्या संरक्षणासाठी तसेच भक्तांच्या संरक्षणासाठी मंदिरातच पोलीस चौकी आहे. तसेच मंदिर प्रशासनाने भाविकांच्या सुरक्षेसाठी खाजगी सुरक्षारक्षक सुध्दा ठेवले आहेत. विशेष म्हणजे मंदिरात तसेच मंदिर परिसरात, तुळजापुर शहरात ठिकठिकाणी CCTV कँमेरे बसवले आहेत.तरी सुध्दा चोरट्यांनी डल्ला मारला हे विशेष आहे.