nanded shirdhon hot water child death news, अंगावर उकळतं पाणी पडल्याने ऊसतोड कामगाराच्या ५ वर्षीय मुलाचा मृत्यू; कुटुंबावर शोककळा – 5 year old boy died after hot water fell on his body in shirdhon village nanded

नांदेड : नांदेड जिल्ह्यातील लोहा तालुक्यातील एका ऊसतोड कामगाराच्या पाच वर्षीय मुलाचा गरम पाणी अंगावर पडून मृत्यू झाला. ही घटना लोहा तालुक्यातील शिरढोण शिवारात घडली आहे.

दगडाच्या चुलीवर आंघोळीसाठी ठेवलेले पाणी उकळत असताना सकाळी बोचऱ्या थंडीपासून बचाव करण्यासाठी कार्तिक पांडुरंग शिंदे (वय ५, रा.डोलारा) हा बालक चुलीजवळ बसून उब घेत होता. त्याचा धक्का त्या चुलीच्या दगडाला लागला आणि चुलीवर असलेले उकळते गरम पाणी कार्तिक याच्या अंगावर पडले. उकळते पाणी त्याच्या अंगावर पोटावर पडल्याने तो गंभीर भाजला. दरम्यान, नातेवाईक व फडावरील कामगारांनी जखमी कार्तिक यास पुढील उपचारार्थ नांदेड येथील शासकीय रुग्णालयात दाखल केले. मात्र, उपचारादरम्यान त्याचा करूण अंत झाला.

IND vs AUS:ऑस्ट्रेलिया मालिकेपूर्वी पुन्हा एकदा झटका, स्टार गोलंदाज पहिल्या कसोटीतून बाहेर

ऊसतोड कामगार पांडुरंग सत्ताजी शिंदे हे आपल्या पोटाची खळगी भरण्यासाठी गावातील ऊसतोड करणाऱ्या टोळीसोबत पत्नी व दोन लहान मुले घेऊन ऊसतोडीसाठी ऊस फडातील कामावर होते. दरम्यान, मुलाच्या अंगावर उकळते पाणी पडून त्याचा मृत्यू झाल्याने पांडुरंग शिंदे यांच्या कुटूंबावर दुःखाचा डोंगर कोसळला आहे. तेव्हा अशा घटना टाळायच्या असतील तर आपली मुले नेमकी काय करताहेत त्यांच्याकडे पालकांनी लक्ष देण्याची गरज आहे.

विद्यार्थ्यांच्या बसचा ब्रेक फेल, धावत्या बसमधून चालकाची उडी अन्…; पुण्यातील धडकी भरवणारा VIDEO