या प्रकरणी शिरगाव पोलिसांनी पाच जणांवर गुन्हा दाखल केला असून शशिकांत साठे, शेखर साठे, लखन साठे, तेजस तावरे व राजू साठे अशी त्यांची नावे आहेत. या प्रकरणी भरत किसन वाटाणे यांनी शिरगाव पोलीस ठाण्यात फिर्याद दिली आहे.
नाशिकमध्ये सस्पेन्स कायम, उमेदवारी अर्ज दाखल करण्यापूर्वी सुधीर तांबे म्हणाले…
पोलिसांनी दिलेल्या माहितीनुसार, मावळमधील ओवळे या गावाची क्रिकटची प्रिमीयर लिग सुरु स्पर्धा सुरू होती. या ठिकाणी भरत आणि शशिकांत यांच्यात किरकोळ कारणाहून भांडण झाले होते. शशिकांतने जुन्या भांडणाचा राग मनात धरून सहा जणांनी मिळून भरतला स्टम्प आणि बॅटने बेदम मारहाण केली. यामध्ये भरत गंभीर जखमी झाला आहे. या घटनेची दखल घेत पोलिसांनी संबधित मारेकऱ्यांवर गुन्हा दाखल केला आहे.
मावळ तालुका हा नेहमी कोणत्या ना कोणत्या कारणाने चर्चेत असतो. पुण्यात कोयता गँगची दहशत निर्माण झाली असताना ही घटना घडल्याने पुन्हा दहशत निर्माण करण्याचा प्रकार समोर आला आहे. या गुन्हेगारीला आळा बसवण्याची गरज निर्माण झाली आहे. या घटनेने पुन्हा गुन्हेगारी डोके वर काढते की काय अशी परिस्थिती निर्माण झाली आहे.
दरम्यान, दहशत पसरविण्याच्या हेतूने मावळ तालुक्यातील चांदखेड गावात यात्रा सुरू आहे. ही यात्रा सुरू असताना एका तरुणाने मद्यधुंद अवस्थेत बंदूक काढून हवेत गोळीबार केल्याचा धक्कादायक प्रकार समोर आला आहे. या घटनेने यात्रेत एकच खळबळ उडाली होती. या घटनेप्रकरणी शिरगाव पोलिसांनी गोळीबार करणाऱ्या तरुणासह चार जणांना ताब्यात घेतले आहे.