अत्याचाराच्या घटनेने पुण्यात एकच खळबळ उडाली आहे. या प्रकरणी हिंजवडी पोलिसात आरोपी मेव्हण्याविरोधत गुन्हा दाखल करण्यात आला आहे. दीपक (नाव बदलले आहे) असे गुन्हा दाखल करण्यात आलेल्या ४५ वर्षीय दाजीचे नाव आहे.
याबाबत पोलिसांनी दिलेली माहिती अशी की, हिंजवडी परिसरातील साखते वस्ती येथे फिर्यादी आणि आरोपी राहतात. फिर्यादी महिलेच्या चुलत बहिणीच्या नवऱ्याने फिर्यादी आणि तिच्या चुलतीला जीवे मारण्याची धमकी दिली. त्यातूनच फिर्यादीवरून त्याने वारंवार शरीर संबंध ठेवले आणि त्यातूनच ती गर्भवती देखील राहिली.
त्यानंतर त्याने तिला त्रास देण्यास सुरुवात केली. अखेर फिर्यादी यांनी हिंजवडी पोलिसात ही घडलेली संपूर्ण घटना सांगितली. पोलिसांनी घटनेचे गांभीर्य ओळखून नराधम दाजी विरोधात गुन्हा दाखल केला आहे. या प्रकरणी अधिक तपास हिंजवडी पोलिस करत आहेत.
पुणे आणि पिंपरी चिंचवड शहरात अत्याचाराच्या घटनांमध्ये दिवसेंदिवस वाढ होत आहे. दररोज नवनवीन प्रकार समोर येत आहेत. खून, बलात्कार, दरोडे, चोरी अशा घटना तर नियमितपणे घडताना पाहायला मिळत आहेत. त्यामुळे पोलिसांचा धाक कमी होत चालला आहे की काय अशी भीती नागरिकांच्या मनात निर्माण होऊ लागली आहे.
पदरात १५ दिवसांचं बाळ, २५ वर्षीय माऊलीने रुग्णालयाच्या बाथरुममध्येच स्वतःला संपवलं
हिंजवडी परिसर हा आयटी हब म्हणून ओळखला जातो. या परिसरात सलग गुन्हेगारीच्या घटना समोर येत आहेत. त्यामुळे यावर काहीतरी उपायोजना होणं गरजेचं असल्याचे जाणकारांचे मत आहे.
मला बदनाम करण्याचा प्रयत्न केला, ठाकरे गटाने महिलांचा आदर करणं सोडून दिलंय | शीतल म्हात्रे