पहिल्या अपघातात ऑटो धडकला
पोलिसांनी दिलेल्या माहितीनुसार, कळमनुरी तालुक्यातील हिवरा येथील किसन गोवंदे यांना एका ऑटोने धडक दिल्याने ते जखमी झाले होते. त्यांना उपचारासाठी डोंगरकडा येथे आणण्यात आले होते. मात्र त्यांची प्रकृती गंभीर असल्याने त्यांना डोंगरकडा प्राथमिक आरोग्य केंद्राच्या रुग्णवाहिकेने पुढील उपचारासाठी नांदेड येथे नेले जात होते.
रुग्णवाहिका चालकाचा मृत्यू
डोंगरकडा येथून निघालेली रुग्णवाहिका काही अंतरावर असलेल्या हिवरा फाट्याजवळ गेली असताना समोरून येणाऱ्या हायवा ट्रकची रुग्णवाहिकेला जबरदस्त धडक बसली. या अपघातात रुग्णवाहिकेचा चालक बळीराम वाघमारे (रा. डोंगरकडा) यांचा जागीच मृत्यू झाला. तर रुग्णवाहिकेतील इतर सहा जण गंभीर जखमी झाले.
अपघात झाल्याची माहिती मिळताच आखाडा बाळापूर पोलिस ठाण्याचे सहाय्यक पोलिस निरीक्षक पंढरीनाथ बोधनापोड, जमादार शेख बाबर, प्रभाकर भोंग यांच्या पथकाने तातडीने घटनास्थळी धाव घेतली.
जखमींवर नांदेडमध्ये उपचार
पोलिसांनी सर्व जखमींना दुसऱ्या वाहने उपचारासाठी नांदेडला हलविण्यात आले. मात्र, रस्त्यावर किशन गोवंदे यांचा मृत्यू झाल्याचे पोलिसांनी सांगितले. तर उर्वरीत पाच जणांना नांदेड येथे उपचारासाठी दाखल केले आहे. त्यापैकी दोघांची प्रकृती गंभीर असल्याचे पोलिसांनी सांगितले.
जळगावात गटविकास अधिकाऱ्याचा मृत्यू
दुसरीकडे, अमळनेर येथील गटविकास अधिकाऱ्याचा अपघाती मृत्यू झाल्याची धक्कादायक घटना समोर आली आहे. शासकीय कामासाठी नाशिकला जात असताना त्यांच्या वाहनाला अपघात झाला. यामध्ये जळगावच्या अमळनेर येथील गटविकास अधिकारी एकनाथ चौधरी हे जागीच मृत्युमुखी पडलेत. आज बुधवारी पहाटे पाच वाजताच्या सुमारास त्यांच्यावर काळाने घाला घातला.
हेही वाचा : संजय करलेची अन्यत्र हत्या, नंतर मृतदेह ऑडीत टाकला, एका निरीक्षणातून पोलिसांचा निष्कर्ष
अमळनेर येथील गटविकास अधिकारी एकनाथ चौधरी पहाटे शासकीय कामासाठी नाशिकला जात होते. अमळनेर-धुळे मार्गाने ते नाशिकला जाण्यासाठी एमएच १९ डीव्ही ४१९९ क्रमांकाच्या शासकीय वाहनाने निघाले होते. धरणगाव तालुक्यातील भोणे फाट्याजवळ त्यांच्या कारने समोरच्या ट्रकला मागून धडक दिली. यात ड्रायव्हरच्या बाजूला बसलेले असलेले एकनाथ चौधरी हे जागीच ठार झाले आहेत.
हेही वाचा : पाण्याच्या कुंडात उतरताना तोल गेला, पुण्यातील प्लस व्हॅलीत तरुण ट्रेकरचा मृत्यू