success story in marathi, माहेरच्यानी हुंड्यात म्हैस दिली, महिलेनं शक्कल लढवली; आता संपूर्ण गावात होतंय कौतुक – lucknow woman set up dairy business with buffalo get in dowry

लखनौः _{माहेरच्या माणसांनी महिलेल्या हुंड्यात म्हैस दिली आणि यामुळंच तिचं नशीबच उजळलं आहे.} मेहनत आणि हुशारीमुळं तिनं याचा वापर करत नवा व्यवसाय थाटला आहे. गावात राहणाऱ्या या महिलेने हे यश मिळवले आहे. महिलेनं लढवलेली शक्कल पाहून गावात भरभरुन कौतुक होतं आहे. (Success Story In Marathi)

बिटानी देवी असं या महिलेचं नाव आहे. बिटानी या पाचवी पास आहेत. उत्तर प्रदेशमधील निगोहा येथील मीरकनगर गावात त्या राहतात. ३७ वर्षांपूर्वी त्यांना लग्नात हुंडा म्हणून म्हैस मिळाली होती. तेव्हा त्यांनी १९८५मध्ये स्वतःची दुधाची डेअर काढायचा विचार केला. त्यांच्या या कल्पनेवर कुटुंबातील सदस्यांनीही सहमती दर्शवली. कुटुंबाची साथ आणि मदत मिळाल्यावर बिटानीदेवी यांनी स्वतःची डेअरी सुरू केली. आज बिटानी यांना त्यांच्या इतक्या वर्षांच्या मेहनतीचे फळ मिळाले आहे. आज त्या १२ महिलांना रोजगार मिळवून देतात.

वाचाः ९ वर्षांपासून बंद असलेल्या दुकानात सापडले २८० मानवी हाडांचे सांगाडे, खोदकाम करताना समोर आलं रहस्य

एका म्हशीपासून सुरू केलेल्या व्यवसायात आता त्यांचा चांगलाच जम बसला आहे. सध्या त्यांच्याकडे १६ गायी, ११ म्हशी आहेत. तर दिवसाला १०० ते १२० लीटर दूध मिळतं. गुरांना चारा देण्यापासून ते दूध काढण्यापर्यंतचे काम बिटानीदेवी एकट्या करतात. त्यांचे पती आधी शिक्षक होते. आता ते सेवानिवृत्त झाले आहेत. ते अजूनही बिटानीदेवी यांचा उत्साह वाढवण्याचे काम करतात, असं त्या म्हणतात.

वाचाः मध्य प्रदेशः गावी निघालेल्या मजुरांवर काळाचा घाला; घाटात बस उलटली, १४ जणांचा मृत्यू

बिटानीदेवी एका कंपनीला दूध विकतात. त्याचबरोबर त्यांच्यासोबत अन्य महिला व पुरुषही जोडले गेले आहेत. बिटानी देवी यांना २००५ पासून सलग यांना गोकुळ पुरस्कार मिळाला आहे. तर, प्रदेशा स्तरावर मिळणाऱ्या पुरस्कारांमध्ये अनेकदा ती टॉप ५ मध्ये असते.

वाचाः मुकेश अंबानीचे पुत्र अनंत अंबानी उद्धव ठाकरेंच्या भेटीला, तब्बल तीन तास चर्चा