nandurbar news, साखरपुडा करुन गावी परतत होते, पण रात्रीच्या वेळी वाटेत विघ्न आलं अन् घडलं भयंकर – nandurbar malegaon highway accident, 15 injured

नंदुरबारः नवापूर तालुक्यातील प्रतापपूर नजीक दोन वाहनांची समोरासमोर जोरदार धडक झाल्याने भीषण अपघात झाला आहे. या अपघातात एकूण १५ प्रवासी जखमी झाले असून यातील दोन महिलांची प्रकृती गंभीर असल्याची माहिती पोलिसांनी दिली आहे. सर्व अपघातग्रस्त मालेगाव तालुक्यातील असल्याची माहिती मिळाली आहे.

नंदुरबार जिल्ह्यातील नवापूर उपजिल्हा रुग्णालयात रात्री प्राथमिक उपचार करून प्रवासी मालेगावला रवाना झाले आहेत. प्रत्यक्षदर्शीकडून मिळालेल्या माहितीनुसार रविवारी रात्री अकरा वाजेच्या सुमारास नवापूर तालुक्यातील प्रतापपूर गावाजवळ दोन वाहनांची समोरासमोर धडक झाली आहे. यात क्रुझर वाहनातील १५ प्रवासी जखमी झाले आहेत. सूरतहून साखरपुडा करून मालेगावला जात असताना अपघात झाला आहे. जखमींना खासगी रुग्णवाहिकेच्या माध्यमातून रुग्णालयात पोहोचवण्यात आले अपघात होताच दोन्ही चालक फरार झाले आहेत.

वाचाः पाकिस्तानचा पराभव होताच पंजाबमध्ये दोन गट भिडले; तुफान दगडफेक, काश्मीर- बिहारचं कनेक्शन समोर

वेरना गाडी क्रमांक जी जे ०५ जे बी ६०२५ व क्रुझर गाडी क्रमांक एम एच १५ ई.पी ६८६४ जोरदार धडक झाली यात दोन्ही वाहनांचे मोठे नुकसान झाले आहे. रात्री अपघात झाल्याने प्रतापपूर येथील अंकेश गावित, सुनिल गावीत, विशाल गावीत युवकानी अपघातग्रस्तांना मदतीसाठी धावून आले.

अपघातग्रस्त सर्व नाशिक जिल्ह्यातील मालेगाव येथील आहे एकाच कुटुंबातील व्यक्ती अपघातात जखमी झाले आहेत दोन महिला गंभीर असून इतर १३ जणांना किरकोळ दुखापत झाली आहे. यासंदर्भात नवापूर पोलीस पुढील तपास करीत आहे.

वाचाः भाचीसोबत केलं अमानुष कृत्य, नंतर व्हॉट्सॲप स्टेटसवर ठेवलेला फोटो पाहून कुटुंबीयांनी केला एकच आक्रोश

अपघातात जखमी झालेले प्रवासी

रिता लालजी पामरे वय २० (गंभीर जखमी)

लिलाबाई तानाजी पाटील वय ४५ (गंभीर जखमी)

भगवान बबन फासगे वय ३२

राणी दिपक रागफासरे वय ३०

केशव प्रताप रागफासरे वय ३०

बबलू भिमराव देवरे वय २२

विष्णू मारती रागफासरे वय ४२

दिपक कुमाजी रागफासरे वय ३५

मळीसा तुकाराम रागफासरे वय ६०

सुखदेव नामदेव रागफासरे वय ४६

छाया सुखदेव रागफासरे वय ४२

रोहिणी तानाजी पामरे वय १९

नानाजी भिका पामरे वय ५६

बाबाई बबन फासगे वय ७६