ajgar baba madhya pradesh, मंदिराच्या गुहेत कित्येक दशकांपासून आहे अजगराचे वास्तव्य; भाविकांनी केलेला दावा चकित करणारा – mp: python baba has lived in the temple cave for decades

सागरः मध्य प्रदेशमधील सागर येथील बागराज मंदिराचा एक व्हिडिओ समोर आला आहे. या व्हिडिओत स्थानिक अजगराची पूजा करताना दिसत आहे. हा अजगर मंदिरातील एका गुहेत गेल्या कित्येक वर्षांपासून राहत असून तो अॅनाकोंडापेक्षाही मोठा असल्याचा दावा स्थानिकांनी केला आहे. हा अजगर कधीही प्रकट होतो. मंदिरातील भाविकांना अजगर दिसल्यास मंत्रांचे उच्चारण केले जाते, असंही तिथले स्थानिक सांगतात.

स्थानिकांना ‘अजगर दादा’ असं नाव दिलं आहे. मंदिर परिसरात असलेल्या गुहेत दोन दिवसांपूर्वी या अजगराला पाहिलं होतं. त्यावेळेस लोकांनी व्हिडिओ काढला असून सोशल मीडियावर शेअर केला आहे. सध्या हा व्हिडिओ व्हायरल होत आहे. विशेष म्हणजे भलामोठा अजगर पाहूनही लोक जराही भयभीत होत नाहीयेत. भाविकांनी केलेल्या दाव्यानुसार, हा अजगर ४० फूटापेक्षा अधिक लांबीचा आहे. यावेळी लोकांनी अजगराच्या उपस्थित हरसिद्धी मातेची पूजा करत आहेत.

आजपर्यंत कोणीही या अजगराला संपूर्णपणे पाहिलं नाहीये. मात्र, या अजगराबाबत लोकांमध्ये श्रद्धा आहे. हा अजगर एका ऋषींचा पुनर्जन्म असल्याची मान्यता आहे. मंदिराचे पुजारी पुष्पेंद्र महाराज यांनी दिलेल्या माहितीनुसार, ‘अजगर दादा’ अधीही कोणाला नुकसान पोहोचवत नाहीत. ते मंदिराचे रक्षक असून गेल्या कित्येक दशकांपासून आम्ही त्याची पूजा करतो.

वाचाः स्वतंत्र भारताचे पहिले मतदार श्याम सरण नेगी यांचं निधन, तीन दिवसांपूर्वीच केले शेवटचे मतदान

मंदिराच्या पुजारींनी दिलेल्या माहितीनुसार, मंदिर परिसरात १० फूट लांबीचा कोब्रादेखील अनेकदा पाहण्यात आला आहे. मंदिरात वावरणाऱ्या या सापांनी कधीच कोणाला नुकसान पोहोचवलं नाही. आंवला नवमीच्या दिवशी हरसिद्धी मंदिराच्या समोर असलेल्या गुहेत त्याने दर्शन दिले होते. तसंच, नवरात्रीच्या दिवसातही या आजगराचे दर्शन आवर्जुन होते.

वाचाः वांगे समजून खाल्ली ‘या’ फळाची भाजी; अख्ख कुटुंब पोहोचलं मरणाच्या दारात

दरम्यान, बाघराज मंदिराच्या आसपासच्या मंदिराला लाल पहाडी असं म्हटलं जातं. तिथे असलेल्या टेकड्यांमध्ये अजगर प्रजातीतील सापांचा नैसर्गिक अधिवास आहे. गेल्या पाच वर्षांत येथून ५६ अजगर पकडून त्यांना जंगलात सुखरूप सोडण्यात आले आहे. इथे ८ फूट ते १५ फूटापर्यंतचे अजगर पकडण्यात आले आहेत.

वाचाः मित्रांसोबत पार्टी करायला गेला, पण दोस्तांनीच घात केला, गुंगीचे औषध देत तरुणासोबत केलं भयानक कृत्य