खोणी तळोजा महामार्गाच्या कडेला असलेल्या उसाटने येथे अजगर मृत अवस्थेत आढळल्यानंतर मलंगगड वाडी येथेजिवंत अजगर आढळून आला होता. या नंतर बुधवारी रात्री मलंगगड रोड वरील खरड गावात ८ फुटी अजगर आढळून आला. रात्रीची वेळ असल्याने ग्रामस्थांनी या अजगराला पकडून ड्रममध्ये ठेवला होता. सकाळी सर्प मित्रांच्या सहाय्याने या अजगराला बदलापूर वन विभागाकडे सुपूर्द करण्यात आले. खरड गावात पहिल्यांदाच अजगर आढळून आला असल्याचे ग्रामस्थ सांगतात.
या अजगराला प्लास्टिकच्या ड्रममध्ये ठेवतानाचा व्हिडिओ सध्या सोशल मीडियावर व्हायरल झाला आहे. अजगर दिसल्यास त्याला न मारता सर्पमित्र किंवा वन विभागाशी संपर्क साधण्याचे आवाहन वन विभागाचे परिक्षेत्र अधिकारी विवेक नातू यांनी नागरिकांना केलं आहे.